Monday, 21 September 2020

Alhini ! Jarumi Adam Zango Ya Girgiza Da Mutuwar Sarkin Zazzau

Alhini ! Jarumi Adam Zango Ya Girgiza Da Mutuwar Sarkin Zazzau



Jarumin fina-finan Hausa Adam A Zango na alhinin mutuwar sarkin Zazzau, Alhaji Shehu Idris.

A wani sako da ya wallafa a shafinsa na Instagram jarumin ya ce "Ba zan taɓa manta alherin da Mai Martaba Sarkin Zazzau Shehu Idris ya yi min ba".


Gwamna El-Rufai ya bada Hutun  kwana ukku zaman makoki saboda mutuwar Sarkin Zazzau

Gwamna El-Rufai ya bada Hutun kwana ukku zaman makoki saboda mutuwar Sarkin Zazzau

Gwamna Nasir El-Rufai ya fitar da ranakun makokin Sarkin Zazzau

Babu wanda zai fita aiki Ranar Laraba saboda wannan rashi da aka yi
Alhaji Shehu Idris ya rasu ne a babban asibitin Soji na 44 a Kaduna jiya

Gwamnatin Nasir El-Rufai ta bada ranakun makoki a fadin jihar a sanadiyyar mutuwar Mai martaba Sarkin Zazzau, Alhaji Shehu Idris.

Za ayi kwanaki uku a jere ana makokin Marigayin kamar yadda gwamna ya bayyana a wata sanarwa da ya fitar a ranar 20 watan Satumba.

jaridar Legit ta kara da cewa ,al’umma za su yi amfani da wannan dama domin yin addu’o’i da karbar gaisuwar makokin wannan babban rashi da aka yi a jihar Kaduna.

Mai taimakawa gwamnan Kaduna wajen yada labarai, Mista Muyiwa Adekeye, ya ce ba za a rika fito da tutoci sama a wadannan ranaku uku ba.


Marigayi Sarkin Zazzau, Shehu Idris
Za a shiga wadannan ranakun makoki ne daga Litinin 21 ga watan Satumba zuwa Laraba, 23 ga wata, inji hadimin mai girma gwamnan Kaduna.

A ranakunan Litinin da kuma Talata za a zo aiki a ofisoshin gwamnati kamar yadda aka saba, amma ranar Laraba babu wanda zai yi aiki a Kaduna.


A ranar Laraba 23 ga Satumba ne za ayi sadakar uku kamar yadda Musulmai su ke yi. A wannan rana za ayi wa mamacin addu’o’i na musamman.

Shehu Idris ya rasu ne a ranar Lahadi, 20 ga watan Satumba a asibitin sojoji da ke Kaduna. Gwamna Nasir El-Rufai ya tabbatar da wannan.

Idris shi ne sarkin da ya fi kowa dadewa a tarihin masarautar Zazzau, ya yi shekara 45 a mulki.
Bidiyo: Tirkashi Babban Goro Sai... Zafaffar Rawar Nafisa Abdullahi Da Ta Jawo Cece kuce

Bidiyo: Tirkashi Babban Goro Sai... Zafaffar Rawar Nafisa Abdullahi Da Ta Jawo Cece kuce



Tauraruwar fina-finan Hausa, Nafisa Abdullahi ta dora bidiyon wata Rawa da ta yi a shafinta na Instagram inda ta bayyana cewa ta dade bata yi rawa ba.



Nafisar ta yi rawar ne da wakar Pon de Replay ta Rihanna


Rawar ta dauki hankula sosai inda wasu masoyan nata suka yaba, wasu kuma suka kushe ga bidiyon nan kai tsaye mun kawo muku daga shafinta inda ta wallafa.



Ga ra’ayoyin kadan wasu da suka kalli rawar tata.


Sunday, 20 September 2020

Fatima Ganduje Tayiwa Masu Ganin laifin babanta akan Faduwar zaben Edo Martani mai zafi

Fatima Ganduje Tayiwa Masu Ganin laifin babanta akan Faduwar zaben Edo Martani mai zafi



A jiya ne anka yi zaben gwamna jahar edo inda Dr abdullahi umar ganduje ne shugaban kwamitin kamfin na apc inda tun jiya anka fara tattara sakamako.

Wanda a yau ne anka kamala inda Godwin Obaseki na jam'iyar PDP nayi nasara.

Wanda shine Jaridar mikiya ta wallafa a shafinta cewa diyar ganduje tayi martani akan masu ganin laifin maihaifinta ga abinda tace.


"Ku Sani Edo ba kano bace Kuma ganduje ba Dan jihar Edo bane kuje Jihar Kano ku gani da kanku baku Isa kuce ganduje bashi daga Cikin Jami'ai masu Aiki ba..

~Sakon Fatima Ganduje Ajimobi ga masu ganin laifin ganduje Kan faduwa  Zaben jihar Edo..."
Buhari ya yi wa Obaseki na PDP murnar lashe zaɓe

Buhari ya yi wa Obaseki na PDP murnar lashe zaɓe



Shugaban Najeriya Muhammadu Buhari, ya yaba wa tsarin zaɓen jihar Edo, wanda Godwin Obaseki na PDP ya yi nasara.

Bbchausa na ruwaito a wata sanarwa da mai ba magana da yawun shugaban Malam Garba Shehu ya fitar, shugaban ya taya wanda ya samu nasara murna sannan ya buƙace shi da ya nuna halin sanin yakamata da tawali’u a nasarar tasa.

Ya kuma ce alwashin da ya sha kan batun gudanar da zaɓe mai gaskiya da adalci na nan daram.