Sunday, 12 July 2020

Sautin Murya : Hukuncin Laifin Fyade Daga Sheikh Aminu Ibrahim Daurawa Kano

Sautin Murya : Hukuncin Laifin Fyade Daga Sheikh Aminu Ibrahim Daurawa Kano



Ga Yadda hukuncin yake - Daga Daurawa :-

Ana duba idan ya yi amfani da makami ko karfi, Saboda haka wanda ya yi wa mace fyade ta hanyar amfani da makami hukuncinsu guda da wanda ya yi fashi da makami, ma'ana hukucinsa kisa kai tsaye

Idan ya kasance mace ce mai girma kuma akwai laifinta a wannan bangaren to hukuncin zina ne ya hau kan wanda ya yi fyaden, hukuncin zina kuwa dama idan yana da aure to za a kashe shi, idan kuma bai taba aure ba to za a yi masa bulala 100 da daurin shekara guda da kuma tarar dala dubu 80 (kwatankwacin Naira miliyan 31) kamar yadda aka kayyade a yanzu.

Idan karamar yarinya aka yi wa fyade, malamai sun yi fatawar cewa hukuncinsa na kisa ne, idan kuma diyya za a karba to kwatankwacin ta kisa za a karba, domin kuwa ya lalata ta, idan kuwa dama mutum ya lalata wa mace mutuncinta ko ita ta lalatawa namiji to diyyarsa daidai take da ta rai - wanda a yanzu aka kiyasta akan naira miliyan 66 ko rakumi 100 ko Saniya 200 ko rago 2,000 ko dirhami 12,000
Idan kuma namiji aka yi wa fyade to hukuncin kisa ne saboda kai tsaye ya zama luwadi wanda kuma aka yi wa za a kare masa mutuncinsa da biya masa kudin kare lafiyarsa.

Idan kuwa karamar yarinya ce ko da ba a yi amfani da makami ba hukuncin na kisa ne.
Idan mace da amincewarta ta je inda ta san za a yi mata fyade to ita ma za a mata hukunci.



Saturday, 11 July 2020

Mun Gaji, Ba Zamu Iya Ba - Sojoji 356 Sun Ajiye Aikinsu Sunyi Murabus

Mun Gaji, Ba Zamu Iya Ba - Sojoji 356 Sun Ajiye Aikinsu Sunyi Murabus


Dag Ibrahim Dau Mutuwa Dole

Da alamun abubuwa sun fara tabarbarewa matsalar rashin tsaro a kasar nan yayinda Sojojin Najeriya dari uku da hamsin da shida (356) suka ajiye aikin Soja bisa dalili na gajiya da aikin.

Rahotanni Na nuna cewa da yawa cikin Sojojin da sukayi murabus daga aikin Soja sun kasance wadanda ke yakin Boko Haram a Arewa maso gabashin Najeriya.

Akwai wasu kuma dake aiki a wasu yankunan daban,
A yanzu dai hukumar Sojojin Najeriya na fuskantar barazana a dukkan yankunan Arewacin Najeriya.

Yayinda ake fama da yan ta'addan Boko Haram da ISWAP a Arewa maso gabas, ana fama da yan bindiga da garkuwa da mutane a Arewa maso yamma, sannan rikicin makiyaya da manoma a tsakiya.

Amma sabanin Sojoji 356 da sukayi murabus sakamakon gajiya da aiki, wasu 24 daban sun yi ritaya saboda son karbar sarauta a kauyukansu, jimillan Soji 380 kenan, majiyar PT ta bayyana.

Majiyar tace: "Dalilin da yawancinsu suka bada shine gajiya da aiki, kuma haka na nuna cewa ran mutane ya fara fita ne saboda rashin ingantaccen shugabanci."

"Hakan na nuni ga cewa abubuwa sun tabarbare"
Imani A Zuci Yake ! Ba Komai Bane Dan Nayiwa Ɗan Wannan Aski ~ Ty Shaba

Imani A Zuci Yake ! Ba Komai Bane Dan Nayiwa Ɗan Wannan Aski ~ Ty Shaba

Wani sabon Salon aski da mawaki FreiiBoi ya yi a cikin sabuwar wakar Ayaraye Amarya, wadda T Y Shaba da Asiya Ahmad su ka fito a matsayin Ango da amarya ya tayar da kura tare da daukar hankalin ma su kallo. Sai dai duk da cewa dai a yanzu ne a ke aikin wakar, domin haka wani bangare ne na wakar ya bayyana, amma dai mutane na kalubalantar salon wakar.
Kasancewar T Y Shaba a matsayin Uba ga shi FreiiBoi Shaba, kuma duk a na dora alhakin yin wannan Salo na askin a gare shi, hakan ne ya sanya mu ka ji ta bakin sa kan lamarin wanda ya fara bayyana mana cewar.
“Shi asalin wakar ma dai tun da farko, dana FreiiBoi shi ne ya shirya wakar, to amma ganin yadda ta karbu, musamman ma dai a wajen mata,'yan mata da wadanda su ke gidajen auren su, to wakar ta ja hankali, shi ya sa mu ka tsaya mu ka yi mata aiki sosai, wanda a cikin wannan aikin wakar ta hada mutane da yawa, kamar ni na fito a matsayin Angon sannan Asiya Ahmad kanwar Samira ta fito a matsayin Amarya. Sannan akwai mutane da mu ka gayyata daga jihohin kasar nan irin su Kabilu Kala da dai sauran su, mun kuma tsara sun zo taya ni bikin auren mu da Asiya, sannan shi kuma FreiiBoi ya  zo a matsayin mawakan da zai wake Ango da Amarya a wajen wannan taron biki”.
Kamar mu al'adar mu ta Hausa idan ka kalli wakar za ka ga ta yi hannun riga da zubin al'adun mu na Arewa ko ya wannan batun ya ke?
“To zan iya ce maka alakar wakar da al'adar Bahaushe, shi ne wajen shirya wakar, domin za ka ga wajen da a ka shirya wakar za ka ga yanayi ne na masarautar kasar Hausa, domin haka duk wanda ya kalli wakar ya san al'adar kasar Hausa ce da Fulani to ka ga wajen da a ka yi wakar da lafazin da a ka yi wakar ya isa ya nuna maka al'adar kasar Hausa. Amma dai abun da za ka lura shi ne, mu a matsayin mu na ma su kawo wa matune abun da ya dace mu na kokarin yada al'adun mu a duniya, mu ba ma zancen bangaranci a ciki. Mu so mu ke Nijeriya ta zo a matsayin tsintsiya madaurin ki daya, domin haka a wannan tsarin idan za ka yi babu ruwan ka da cewar Igbo ko Yoroba da sauran su, saboda haka ne ma mu ka yi kokarin hada kabilun Nijeriya a cikin wakar, saboda ya zama Bahaushe dan uwan kowanne yare ne a Nijeriya”.
Abun da ya fi Jan hankali shi ne Askin da danka ya yi kuma ya fito a matsayin mawaki a wajen bikin b aka gani ya haifar da ce-ce-kuce tun da an ce inda baki ya karkata ta nan yawu ke zuba?
“A to da farko dai ina so a gane cewar shi FreiiBoi wakar Hip Hop ya ke yi, to kuma shi irin wannan askin da ya ke kan sa ya na daga cikin al'adar 'yan Hip Hop, kuma a wakar ba wai mu na kallon FreiiBoi a matsayin Bahaushe ba ne, ya fito ne a matsayin Dan Nijerya da ya ke wakiltar kowanne bangare na kasar. Kuma a matsayin tsari na waka kowane Darakta ya na fitar mata da tsarin ta a yi yadda ya ke so wakar ta zo a aika ce ba a al'adance ba, to wannan tsarin da ya zo, za ka ga wani irin dinki ne ya saka shigen na Atamfa, sannan Gilashin da ya sa za ka ga duk wani mawakin Hip Hop a Nijeriya za ka ga irin wannan Gilashin ya ke sakawa askin sa kamar Salo da tsari ne na Hip Hop, domin haka abun da tsarin ya zo kenan, abun da zai ba ka mamaki a ranar da za a yi aikin a ka yi askin da a ka gama aikin wakar kuma a ranar aka aske shi, domin haka an yi askin ne saboda wakar kuma da a ka gama a ka aske ka ga babu wani abun tambaya a ciki”.
A matsayin ka na Uba ko me ka ke fatan dan ka ya zama nan gaba?
“E to ba ni ne na ke da zabin ya zama wani abu ba, domin kuwa irin wannan matsalar mu ke samu musamman a Arewa, za ka ga Uba ya tashi ya na hira da abokan sa ya na cewa ni Dana so na ke ya zama abu kaza, amma ba ya tunanin dan sa ya na da kwakwalwar da zai zama haka din. Sakamakon haka ni abun da Dana ya fi kwarewa shi zan ba shi kwarin gwiwa ya yi kamar yanzu ya na da sha'awar ya zama direban jirgin sama, domin haka sai na saka shi a tsarin karatun da zai kai ga cimma burin sa, kuma haka iyaye ya kamata su zama ga 'ya' yan su”. A cewar TY Shaba.
Bazan Hana 'Ya'yana Yin Sana'ar Film Ba ~ Darakta Hassan Giggs

Bazan Hana 'Ya'yana Yin Sana'ar Film Ba ~ Darakta Hassan Giggs

Guda daga cikin mai bada umarni a masana’antar fim, Hassan Giggs ya yi kira ga manyan Arewacin kasar nan da ‘yan masana’antar Kannywood da kuma al’umma su tashi tsaye wajen ciciba manhajar Northflix, sakamakon yadda manhajar ke tallafawa masana’antar Kannywood wajen kai wa ga nasarori tare da farfado da ita daga mashasharar da ta shiga.
Hassana Giggs ya bayyana hakan ne ga wakilin mu cikin zantawar da su ka yi a lokacin da ya cika shekaru 12 da auren sa. Wanda kuma ya fara da cewa.

“Sunana Hassan Giggs, kuma haifaffen jihar Kano ne ni, na yi makaranta da komai a jihar Kano, sannan zan iya cewa wannan sana’ar gadon ta na yi, domin kuwa mahaifi na mai daukar hoto ne,  kuma a wajen sa na gada, daga baya na shigo masana’antar Kannywood, duk da a gefe na ke a shekarar 1995. Daga nan cikin ikon Allah na ko yi harkokin daukar hoto mai motsi da mara matsi, a shekarar 1999/2000, har na yi fim dina na farko mai suna Saura Kiris, a nan ne na rike harkar kyamara a wannan shekarar. Na kuma kara tsunduma neman ilimi a kan fannin Daraktin a fim, kuma fim dina na farko shi ne Alkuki wanda ya fito a shekarar 2004, domin kuwa wadan da su ka taimake ni ciki akwai Ali Nuhu da Ibrahim Mandawari, saboda sun taimake ni sosai a Kannywood”.
Yanzu ‘ya’yan ku nawa da matar ka?
“Matata mun hadu da ita a shekarar 2004 a masana’antar Kannywood kamar wasa ta zo wucewa na ce ke zo, nan ta ce ya zan gayama ta haka, nan take ta ce ba za tazo ba, na fada mata cewa zan iya auran ki fa, sai ta ce a haka za ka aure ni, to bayan nan ba mu kara haduwa ba sai bayan shekara guda, Allah cikin ikon sa ban san yadda mu ka fara soyayya da ita ba, amma a shekarar 2008 watan Yuni mu ka yi aure, yanzu haka ‘ya’yan mu uku. Akwai Fatima, Aisha da kuma Nana Khadija, ina alfahari da iyali na, kuma dukan mu ‘yan fim ne, ni Darakta ita ma Darakta, amma shekaru sun ja ina da shekaru 40 da wani abun”.
Yawanci ‘yan masana’antar fim in sun yi aure ya na watsewa, amma kai gashi ku na murnar cika shekaru 12 da ita. Menene abun da ka ke gani ya zaunar da ku tare wanda su wadancan ya ke zama kamar tasgaro har zaman ya ke kasa yin dadi?
“Aure shi daman nufi ne na Ubangiji, abun da ya zaunar damu ni da mata ta shi ne, ba mu yi aure domin sha’awa ba, ba mu gina soyayya mu bisa karya ba, ba mu yi wa juna karya ba, irin a zo daga baya a na da nasani, saboda duk abun da za ka yi ba ka yi domin Allah ba, to tabbas za ka samu matsaloli, kuma duk abun da za ka yi ba wai domin ka burge jama’a ba, to babu shakka za ka zauna lafiya, idan ka yi abu domin ka burge kan ka to tabbas za ka yi kuka da kan ka. Gaskiya akwai ‘yan fim da dama wadan da su ka yi aure kuma zan iya lisafo ma su a gidajen mazajen su, mu a yanzu ido ya na kan mu saboda shahararru ne, saboda mu na fitowa duniya ta san mu, ka na yin wani abu duniya ce za ta dauka nan da nan mutane su dauka, sai ka ji mutane su na cewa au dama Giggs kai ne ka auri Muhibbat? Dama ku na tare? To sun manta cewa duk yadda Allah ya tsara rayuwar ka haka za ka tsince ta, to ‘yan fim su na zama idan ka ga aure ya mutu haka Allah ya kaddara. Duk da cewa babu wanda ya ke son hakan ta faru da shi, mu ba ma fata hakan ya faru da mu, domin mun gina auren mu bisa tsakani da Allah da gaskiya a tsakanin mu, ni na dauki mata ta a matsayin babbar abokiya ta domin ba na boye mata komai ita ma ba ta boye mun komai, duk auren da ka ga a na samun
matsala, to a na boye wasu abun a tsakanin juna, mu gaskiya mun gina auren mu bisa tsakani da Allah, shi ya sa mu ka kai shekaru 12 a yanzu”.

Ga shi matar ka a harkar fim ku ka hadu kamar yadda ka fada, akwai wani fim da ku ka shirya wanda ka ke gani matar ka za ta iya fitowa a Uwa ko Jaruma ko kuwa a wani abu, ko kuma ka fi son ta fito a cikin bayan fage kamar yadda ka ce ita ma ta na daya daga cikin ma su bada umarni a masana’antar Kannywood?
“Kamar yadda na fada maka mu yadda mu ka gina na  auren mu, ta na da ra’ayin kan ta ni ma haka, wasu abubuwan idan za ta yi sai ta nemi shawara ta ko in nemi shawarar ta, kuma ta na dara
Aminu Saira, Falalu Dorayi, Sani Danja sun mika wuya ga hukumar tace fina-finai

Aminu Saira, Falalu Dorayi, Sani Danja sun mika wuya ga hukumar tace fina-finai

Bayan tsawon lokaci da su ka shafe su na adawa da yin rijista ga hukumar tace fina-finai ta jihar Kano, a yanzu dai ta tabbata Darakta Aminu Saira da Falalu Dorayi da Sani Danja tare da Yakubu Muhammad, sun sauka daga layin da su ka dade a kan sa na nu na rashin amincewar da yin rijista da hukumar.

Labarin da mu ka samu tabbacin sa daga hukumar tace fina-finai ta jihar Kano cewa, tuni manyan 'yan fim din su ka je suka yi rijista tare da karbar katin shaidar da ya nuna cewa su cikakkun' yan fim ne da hukumar ta amince da su gudanar da harkokin sana'ar su bisa bin dokar hukumar tace fina-finai ta jihar Kano.

Tun a baya dai wadannan 'yan fim din an san su da yin watsi dangane da tsarin na yin rijistar da a ka bullo da shi tun a shekarar da ta gabata, musamman ma dai Falalu Dorayi da Aminu Saira wanda sun sha shelantawa a Soshiyal Midiya cewar, yin rijistar ya saba wa doka domin haka ba za su yi ba.

Domin tabbatar da gaskiyar yin rijistar ta su wakilin mu ya ji ta bakin Aminu Saira inda ya tabbatar da yin rijistar da ya yi, sai dai bai yi wani karin bayani ba dangene da hakan.
Shi kuma shugaban hukumar tace fina-finai ta jihar Kano, Ismaila Na'abba Afakallahu, ya ce”Mu daman hukumar mu ba ta da matsala da kowa, abu ne dai na bin doka, kuma duk wanda ya bi doka to hukumar a shirye take ta tsare mu su hakkokin su, kuma yin rijista doka ce ta samar da ita ba wai mun kirkiro ta ba ne domin cin zarafin wani". Inji Afakallahu.

hukumar ta kuma yi kira ga masu sana'ar fim da su mutun ta sana'ar su wajen bin doka da oda, domin ta haka ne za a samar wa da sana'ar hanyoyin ci gaba.northflix na ruwaito.
Kiki Osinbajo Ɗiya Mataimakin Shugaban Kasa Tayi Martani Kan Zargin Gidan Miliyan 800

Kiki Osinbajo Ɗiya Mataimakin Shugaban Kasa Tayi Martani Kan Zargin Gidan Miliyan 800

Hadimin tsohon shugaban kasa, Goodluck Jonathan,  Jackson Ude da ya zargi mataimakin shugaban kasa, Farfesa Yemi Osinbajo da karbar Biliyan 4 a hannun mukaddashin shugaban EFFC, Ibrahim Magu ya kuma zargi diyar shugaban kasar da kashe Miliyan 800 akan wani shagonta.

Yace ya kamata a tambayeta ina ta samu Miliyan 800 data zuba a shagonta dake Abuja.

Saidai Kiki ta ta mayar da martani inda tace tana mamakin babban Mutum kamarsa da yana da diya kamarta zai kirkiro karya ya jingina mata.

An shigo har 'Dakinta anyimata yankan Rago bayan ta 'karbi musulunci A Garin saminaka

An shigo har 'Dakinta anyimata yankan Rago bayan ta 'karbi musulunci A Garin saminaka


Daga Abdulrashid Abdullahi,Kano

Lamarin da yafaru Ajiya A garin saminaka dake yankin 'karamar huku
mar lere A jahar Kaduna

An shiga har dakin ta an yi mata yankan rago a daren jiya bayan ta karbi musulunci.

Lamarin ya faru ne a garin Saminaka dake karamar hukuman Leren jihar Kaduna.

Rundunar 'yan sanda ta jahar Kaduna ta tabbatar da afkuwar lamarin
Tace Tana kan gudanar da bincike Akan Kisan gillar da akayiwa baiwar Allah

Muna rokon 'yan uwa musulmi dasu saka ta a cikin addu'a.

Allah Ya rahama mata dama 'yan uwa musulmai baki daya da suka riga mu, in kuma tamu tazo Allah Yasa mu cika da imani.An shigo har 'Dakinta anyimata yankan Rago bayan ta 'karbi musulunci A Garin saminaka

Daga Abdulrashid Abdullahi,Kano

Lamarin da yafaru Ajiya A garin saminaka dake yankin 'karamar huku
mar lere A jahar Kaduna

An shiga har dakin ta an yi mata yankan rago a daren jiya bayan ta karbi musulunci.

Lamarin ya faru ne a garin Saminaka dake karamar hukuman Leren jihar Kaduna.

Rundunar 'yan sanda ta jahar Kaduna ta tabbatar da afkuwar lamarin
Tace Tana kan gudanar da bincike Akan Kisan gillar da akayiwa baiwar Allah

Muna rokon 'yan uwa musulmi dasu saka ta a cikin addu'a.

Allah Ya rahama mata dama 'yan uwa musulmai baki daya da suka riga mu, in kuma tamu tazo Allah Yasa mu cika da imani.

Wanda a shafin Facebook mai suna Dokin Karfe ne na wallafa wannan labari.