Tuesday, 20 November 2018

Zafaffan Hotunan Jaruma Rashida Labbo da sunka Jawo cece Kuce

Zafaffan Hotunan Jaruma Rashida Labbo da sunka Jawo cece Kuce



Jaruma rashido labbo ta saki wasu zafaffan hotuna a shafinta na instagram a lokacin da tayi tafiya zuwa wata kasa.

Sai dai wasu masoyana Sunyi Allah wadai wasu kuma ta burgesu ga hotunan da kalaman wasu daga cikin mabiya shafinta.













                                                 



Jami’in Gwamnatin Ganduje ya caccaki Buhari kan kalamansa ga Ganduje a Faransa

Jami’in Gwamnatin Ganduje ya caccaki Buhari kan kalamansa ga Ganduje a Faransa



Zulyadaini Sidi Mustapha Karaye Wanda shi ne Mai taimakawa Gwamnan Kano na musamman akan hulda da kungiyoyi masu Zaman kansu, ya yiwa Shugaba Buhari tatas dangane da kalamansa akan Ganduje.

Jami’in ya bayyana Shugaba Buhari a matsayin mutum kara dattako da rashin sanin masoyansa na hakika. A wata hira da aka yi da shi a wani Gidan Radiyo a jihar Kano, Zulyadaini ya yi kaca kaca da Buhari.

Zulyadaini yana maida martani ne kan kalaman da Shugaban kasa Muhammadu Buhari yayi a kasar Faransa, inda yayi magana akan bidiyo da aka ga Gwamnan Kano na sanya dalar Amirka a cikin babbar riga.

Ya bayyana cewar yadda Ganduje yake yiwa Shugaba Buhari biyayya bai kamata ace ya yiwa Gwamnan haka ba, ya kwance masa zabi a kasuwa.

”San Shugaba Buhari ba mutumin da ya san ya kamata bane, ya bayyanawa duniya rashin iya jagorancinsa, wanda Shugaba irinsu ba haka ya dace ya mu’amalanci mutane ba”..


@DailyNigerian Hausa

MUSIC: sani Danja x style plus, x J.Martins & chuddy k - Thumbs up Atiku (Theme song)

MUSIC: sani Danja x style plus, x J.Martins & chuddy k - Thumbs up Atiku (Theme song)



We’re connecting musicians and dancers to give everyone a bigger, better, more visible platform to express their art. After all, creativity is powerful, but only if it’s shared with others. Dream up your own moves to this theme song of choice #thumbsup4Atiku. Post a video online in a group. And share your talent with thousands of other dancers around the world. Three lucky winner gets a Chance to be on the main video plus fabulous prize.
Download theme song online now
#LetsGetNigeriaWorkingAgain
#theatikuplan
#thumbsup4atiku


Download Music Now

Monday, 19 November 2018

Jaruma Rahama Sadau Ta Bayyana Wanda Zata Zaba A zaben 2019

Jaruma Rahama Sadau Ta Bayyana Wanda Zata Zaba A zaben 2019


Fitacciyar jarumar fina-finan Kannywood ta goyi bayan kiran da wani mutum ya yi cewa 'yan Najeriya su zabi mutum na gari a 2019 a kowacce jam'iyya yake.

Jarumar ta bayyana haka ne a cikin amsar da ta bai wa masu bibiyar shafinta na Twitter.

 jarumar da farko tayi tambaya ne a game da hakan a shafin ta na dandalin sadarwar zamani na Tuwita inda ta tambayi mabiyan ta ko 'wanne dan takara za su zaba a zaben na 2019.

Masu bibiyarta sun bayar da amsoshi daban-daban, amma da alama amsar da ta fi burge jarumar ita ce wadda wani mai suna A.B Danbatta ya bayar.


"Kowanne mutum shi zai yanke hukunci kan shugaban kasar da zai zaba na gaba, babu wanda zai yanke maka wannan hukuncin sai kai da kanka. Amma ina bayar da shawara ga dukkan 'yan Najeriya su zabi mutum na gari ko daga wacce jam'iyya yake."

Daga nan ne Rahama Sadau ta nuna gamsuwar ta inda ta ce "Wannan ita ce amsar da nake so a ba ni Allah ya yi maka albarka


Da dama dai daga cikin takwarorin jarumar na Kannywood sun fito fili sun bayyana dan takarar da za su goya wa baya ba a zaben 2019.

Yayin da jarumai irinsu Adam A. Zango da Fati Shu'uma da makamantansu suka bayyana goyon bayansu ga Shugaba Muhammadu Buhari su kuma jarumai irinsu Sani Danja da Fati Mohammed da Maryam Booth sauransu sun ce tsohon mataimakin shugaban kasa Atiku Abubakar za su zaba a 2019.

Zan Gina Makarantu Dubu Goma Goma Duk Shekara, Idan Nayi Tazarce, Inji Buhari

Zan Gina Makarantu Dubu Goma Goma Duk Shekara, Idan Nayi Tazarce, Inji Buhari



Shugaba Buhari ya bayyana hake ne a wani taron kaddamar da yakin neman zabensa karo na biyu daya gudana a fadar shugaban kasa kuma ya samu halartar gwamnoni goma sha daya, Sanatoci, manyan jami’an gwamnati da jiga jigan yan siyasa.

A yayin jawabin nasa, Buhari ya dauki alkwarin yin garambawul ga fannin ilimin Najeriya gaba daya, inda yayi alkawarin gayara makarantu guda dubu goma goma a duk shekara, a shekaru hudu masu zuwa zai gyara makarantu dubu arba’in kenan don su zama daidai dana zamani.

Haka zalika Buhari ya yi alkawarin horas da malaman dake koyarwa a wadannan makarantu akan dabarun koyarwa na zamani ta yadda zasu baiwa dalibansu igantaccen ilimi, musamman ilimin kimiyya da fasaha.

Bugu da kari shugaba Buhari ya jaddada manufarsa ta cigaba da yaki da cin hanci da rashawa ganga ganga, inda yace “Mun sani kafin mu samu nasara sai mu nada mutunci, kima da daraja, musamman a tsakanin shuwagabannin Najeriya da talakawanta.

“Rashawa na muguwar barazana ga cigaban Nijeriya, duk da kokarin da muka yin a garkame kofar rashawa a Najeriya, mun sani akwai sauran aiki a gabanmu, a shirye muke mu fadada aikin da muka fara a baya ta yadda zamu ririta arzikin kasa domin amfanin yan kasa gaba daya.” Inji shi.

Bugu da kari Buhari ya bayyana nasarorin da gwamnatinsa ta samu a cikin shekaru uku da rabi da ta kwashe bisa mulki. “A shekaru hudu da suka gabata mun yi ma yan Najeriya alkawarin canji a yadda ake tafiyar da gwamnati, kuma munyi kokari matuka wajen tabbatar da wannan alkawari.”
Cikin shekarun biyun farko, zan fitar da mutane miliyan 50 daga Talauci - Atiku Abubakar

Cikin shekarun biyun farko, zan fitar da mutane miliyan 50 daga Talauci - Atiku Abubakar


Tsohon mataimakin shugaban kasan Najeriya kuma dan takarn kujerar shugaban kasa karkashin jam'iyyar Peoples Demcratic Party PDP, Alhaji Atiku Abubakar, ya kaddama yakin neman zabensa na 2019 a yau Litinin, 19 ga watan Nuwamba, 2018.

Atiku Abubakar ya yi dogon jawabi ne ta shafi ra'ayi da sada zumuntarsa kan shirye-shiryen da zai aiwatar idan yan Najeriya suka zabeshi a 2019.



Yace: "Shirye-shirye na zai samarwa ma'aikata albashi mai tsoka, Shirye-shirye na zai samarwa matasan Najeriya ilimi mai kyau, Shirye-shirye na zai karfafa mata, rage mutuwa ta hanyar haihuwa."

"Idan aka zabe ni shugaban kasa, zan zange dantse wajen jawo hannun jari da kuma taimakawa kananan masu kasuwanci miliyan 50 a fadin tarayya domin rubanya tattalin arzikinsu zuwa $900 Bilyan a 2025."

"Wadannan hannun jari zai samar da akalla ayyuka milyan 2.5 a kowani shekara, da kuma fitar da mutane milyan 50 daga cikin talauci cikin shekaru biyu."

"Na fara rayuwata maraya, mai sayar da itace a garin Jada dake Adamawa, amma Allah, yayinda amfani da Najeriya wajen zama abinda nake yau."

A bangare guda, shugaba Muhammadu Buhari ya kaddamar da nasa yakin neman zaben 2019 a jiy Lahadi inda ya saki littafin shirye-shiryen nasa na abubuwan da yayi cikin shekaru ukun da ya shude.


Sources:legit.ng/hausa

Gwammoni sun yi tsit Bayan Tattaunawa Da Buhari Akan Karamcin Albashi N30,000

Gwammoni sun yi tsit Bayan Tattaunawa Da Buhari Akan Karamcin Albashi N30,000


An kammala zaman tattaunawa tsakanin gwamnonin Najeriya da shugaban kasa Muhammadu Buhari daya gudana a fadar gwamnatin Najeriya, Aso Rock Villa dake babban birnin tarayya Abuja, inda aka tattauna batun karancin albashi.

Majiyar Legit.com ta ruwaito gwamnonin da suka gana da Buhari a madadin kungiyar gwamnonin Najeriya sun hada da gwamnan jahar Legas, Akinwumi Ambode, Ifeanyi Ugwuanyi na Enugu, Akitu Bagudu na Kebbi da Abdul Aziz Yari na Zamfara.

Sai dai gwamnonin sun yi tsit da bakunansu bayan fitowa daga zaman tattaunawa, duk da cewa sun shafe sama da awa daya suna tattaunawar da shugaba Muhammau Buhari a ofishinsa.


A satin daya gabata ne kungiyar gwamnonin Najeriya ta nada wasu gwamnoni biyar da zasu tattauna da Buhari game da batun karin karancin albashi inda kungiyar kwadago ta Najeriya ta nemi gwamnati ta biyasu naira dubu Talatin a matsayin karancin albashi.

Wannan magana ta sanya shugaba Buhari kafa wata kwamiti mai kafafuwa uku wanda ta kunshi wakilan kungiyar kwadago, wakilan bangaren yan kasuwa da kuma wakilan gwamnati, inda aka tattauna kan batun karin albashin a karkashin jagorancin tsohuwar Minista Amal Pepple.

Bayan doguwar tattaunawa, kwamitin ta yanke shawarar gwamnati ta biya karancin albashin naira dubu Talatin, inda a satin daya gabata kwamitin ta mika ma shugaba Buhari rahotonta, inda ta yi kira gareshi daya duba yiwuwar biyan hakan.

Sai dai jim kadan da bayyanar wannan rahoto, sai gwamnoni suka fara korafin cewa basu yarda ba, ba zasu iya biyan naira dubu Talatin a matsayin karancin albashi ba, domin kuwa jahar Legas ce kadai za ta iya biyan wannan albashi ba tare da wata matsala ba, idan kuwa sai sun biya, toh sai sun rage yawan ma’aikata ko kuma gwamnati ta kara musu kudaden da take raba musu a duk karshen wata.