Friday, 18 September 2020

ABIN AL’AJABI: Motar jigila ta nutse cikin gulbi da fasinjoji a Jihar Sakkwato

ABIN AL’AJABI: Motar jigila ta nutse cikin gulbi da fasinjoji a Jihar Sakkwato


Kafar Sokoto Tracker ta samu rahoton cewa wata motar jigila da ke dauke da fasinjoji da ba’a tabbatar da adadin su ba, ta nutse cikin gulbin Zanzanu dake Karamar Hukumar Kware.

Lamarin ya faru ne a daren jiya Alhamis, yayin da motar da ke dauke fasinjoji ta fado daga kan gada.

Wani da lamarin ya faru a gaban shi ya bayyana cewa “tun lokacin da lamarin ya faru har kawo yanzu, hukumomi sun kasa gano inda motar take ballantana a ceto mutanen”.

Ya kara da cewa “dukkan alamu sun nuna cewa lamarin ya fi karfin hukuma”.

Har zuwa yanzu, Juma’a, Hukumar NEMA na ta kokari wajen gano mutanen da wannan iftila’in ya afka wa.

Jarumin Da Ya Fito A Matsayin Zazzaky A Fim Din "Fatal Arrogance"  Yace An Fara Barazar Kashe ni  ~Edochie

Jarumin Da Ya Fito A Matsayin Zazzaky A Fim Din "Fatal Arrogance" Yace An Fara Barazar Kashe ni ~Edochie

- Kungiyar 'yan uwa Musulmai mabiya akidar Shi'a (IMN) sun fara kaiwa Pete Edochie, jarumin masana'antar Nollywood farmaki 

 - A cikin wani fim da Anosike Kingsley Orji ya dauki nauyi, an nuno Pete Edochie ya fito a matsayin Zakzaky 

 - Kungiyar IMN sun fara kai masa harin ne saboda fitowarsa a matsayin El-Zakzaky a cikin fim din


Kungiyar IMN sunce suna zargin hukumar sojin Najeriya da daukar nauyin fim din nan mai suna "Fatal Arrogance" saboda suyi kokarin rufe laifinsu na kisan wulakancin da suka yiwa 'yan Shi'a 348 a watan Disambar shekarar 2015.

Haka kuma kungiyar ta caccaki Pate Edochie sakamakon fitowa a matsayin El-Zakzaky a cikin sabon fim din. Inda jarumin da bakinsa yace ana farautar rayuwarsa.


A wata hira da Sahara Reporters sukayi da Edochie yace: "Ban fahimci dalilin 'yan Shi'a na kai min farmaki ba, akan fim din da ko fita beyi ba. Domin yanzu haka ba'a gama tsarashi ba ma."

Ya kara da cewa "da zasu kai kara ga sifeto janar na 'yan sanda, yace a kawo fim din yagani, bansan ya zamuyi dasu ba saboda babu fim din ma a kasa."

"Bai kamata inyi kwaikwayon shugabansu ba ko kuma yin isgili a gareshi" a cewar shi.


"Ina shawartarku da ku ajiye makamanku, ku kuma kara hakuri har a saki fim din. Idan kunga abinda kuke zargi, sai kukai kukanku ga Sifeto janar na 'yan sanda.

"Ko menene kukeyi yanzu bai dace ba, a cewar Edochie. "Indai akan wannan fim dinne, zanso ku dakata har sai an 'karasa shirya fim din."

Ya kara da cewa "bani na rubuta fim dinnan ba, kuma Kingsley Orji Anosike shine ya dauki nauyin fim dinnan. Kuma idan kunaso ku kai 'korafinku akan fim din, sai ku jira ku kalla, alabarshi sai ku nuna takaicinku ga wanda ya dauki nauyin shi, amma bani ba wanda a jarumi kadai na fito a fim din. Nifa babu ruwana.

Ya kuma mika godiyarsa inda yake cewa "Nagode ma duk wadanda suka sanar dani 'kokarin kai min farmaki da 'yan Shi'a suke yi, ina godiya 'kwarai. Nifa cikakken Dan Najeriya ne mai cikakken 'yanci. Babu inda zan gudu, saboda hakan wasu zasu so."

'Kungiyar 'yan Shi'a sun mayar da martani ga Pete Edochie inda suke cewa yayi babbar wauta da aka yi amfani dashi wajen daukar wannan fim, sannan suka karyata zargin da yake na cewa an kai mishi hari


Mai magana da yawun 'Kungiyar, Ibrahim Musa yace "jarumin ya taka rawar da ke nuna munin Shi'a a idon duniya. Kungiyar sunce bayanan Edochie shirmene da kame-kame.

"Koken da 'kungiyar IMN ta bayyanar a gaban Sifeta janar na 'yan sanda da kuma 'kungiyar shirya fim bata nuna kai farmaki ga rayuwar kowa ba. Tsoratarwa bata daya daga cikin halayyarmu" a cewarsa.

"Idan da Edochie yana da wata halayyar 'kwarai kamar yanda yake ikirari,da bai amince da fitowa ba yana bata sunan wanda aka zalinta irin Sheikh El-zakzaky a idon duniya ba, kuma har yayi tunanin bai yi wani laifi ba.

Duk wani jarumi da ya amsa sunansa, yakamata ya dinga bin tsarin labari daki-daki kafin ya amince ya fito a fim din da akayi mishi tayi.

Da kuma ace yabi labarin tsaf da zai gane cewa anyi fim dinne musamman saboda abinda ya faru a Zaria a 2015 wanda hakan ya jawo asarar rayuka da dama, da zai fahimci irin cin zarafi da kisan wulakanci da akayi wa mutane da kuma rufe gawawwakin su a matsayin ganganci.

"Tabbas da ya fahimci cewa har yanzu ICC suna bincike akan lamarin. Kuma wannan labarin dake gabanshi cigaba ne na 'kara boye gaskiya.

Tuni 'Kungiyar Shi'a ta gabatar da korafinta na game da fim din ga Sifeto janar na 'yan sanda.
'Yan Sanda Sun Cafke Matar Da Ta Ci Zarafin Yaro Dan Shekara Shida  A Yankewa Yaron Mazakuta A Katsina ( Hotuna)

'Yan Sanda Sun Cafke Matar Da Ta Ci Zarafin Yaro Dan Shekara Shida A Yankewa Yaron Mazakuta A Katsina ( Hotuna)





An yi yunkurin yanke wa yaron mazakuta



Rundunar 'yan sanda ta Jihar Katsina, karkashin jagorancin Kwamishinan 'yan sanda Alhaji Sanusi Buba, ta yi nasara kama Malama Rahama Sani, yar shekara arba'in da biyar da ke zaune a Unguwar Kwado, cikin garin Katsina, wadda ake zargi da muzgunawa da cin zarafin, Abdulkadir Muawiyya, dan shekara shidda da mahaifinsa ya kai shi riko a hannun ta sakamakon rabuwa da mahaifiyarshi.

Jami'in hulda da Jama'a, na rundunar 'yan sanda ta Jihar Katsina SP Gambo Isah ya bayyana haka, lokacin da ake baje-kolin masu laifi a helkwatar rundunar da ke Katsina.

SP Gambo Isah ya kara da cewa an samu Abdulkadir Muawiyya, da raunuka daban daban a jikinsa, ciki har da kariya, wanda muka kaishi asibiti aka gyara mashi. Duk sadda yaron nan ya ji muryarta zai kwartsa ihu, saboda gilla da ta gasa mashi. Muna kuma cigaba da binciken.

Shima mahaifin yaron Malam Mu'awiyya, ya shaidaiwa RARIYA cewa wani aminin shi ne ya hada shi da Malama Rahama, ya rabu da mahaifiyarshi, shi ne ya kai Mata shi ajiya yau, kusan wata hudu kenan, duk lokacin na yi kokarin kiranta, ta waya ba ta dauka ko kuma ta ce ba ta gari, haka ta yi boye man, har Allah ya sanya wata kungiya kare hakkin Yara, ta yi nasarar ceto dan nawa tare da taimakon yan sanda.

Ita ma wadda ake zargin, Malama Rahama ta bayyana RARIYA cewa ni mahaifin shi ya kawo man shi, ya ce in taimake shi in rike mashi shi, sakamakon rabuwa da mahaifiyarshi, ya auri wata matar ta ce ba za ta zauna da shi ba, ko lokacin da ya kawo shi akwai tabunna na raunuka ga yaron, kuma ni ban so yanke mashi mazakuta ba, mai kaciya ya zo, ya kama ihu na ce a kyale shi, domin mu sanya shi makaranta, ruguwar da ya yi ya Fadi, ya samu tsagewar kashi, sai kuma ruwa zafi da ya fada, a lokacin da ake mashi.

Wani abu da RARIYA ta lura da shi, duk yadda Allah ya yi jikin yaron rudu rudu yake na sawon bugu a koina, haka mazakuta Abdulkadir Muawiyya, dan shekara shidda akwai sawun yanka kuma ba wurin da ake kaciyar ba, ga alama an so yanke ta. Kafarsa ta dama nannade take da bandaje, ga tabunna raunuka daban daban a koina a jikinsa.

Hotunan da zaku alamun tabbas an wahalda yaron sosai.




Bidiyo: Kalli wannan Bidiyo Mai Zafi !Tofah Cikin Fushi Mai Sana'a Ya Saki Sabon Sako Zuwaga...

Bidiyo: Kalli wannan Bidiyo Mai Zafi !Tofah Cikin Fushi Mai Sana'a Ya Saki Sabon Sako Zuwaga...



A gaskiyar magana na nan musa mai sana'a yayi magana wanda amma haryanzu fa buhari na da nasa laifi
Wanda zaku ji daga bakin shi wannan jaruma da ya kawo wannan martani mai zafi wanda tabbas abun dubawa ne a halinda muke ciki yanzu.

Musamman shi talaka bawan Allah sai dai yayi ta hakuri Allah ya taimakemu baki daya amin saboda abubuwan sai a hankali wallahi.
Ga bidiyon nan kasa