Thursday, 19 September 2019

Babu Wanda Ya Sauke Sheikh Kabiru Gombe - Sheikh Bala Lau

Babu Wanda Ya Sauke Sheikh Kabiru Gombe - Sheikh Bala Lau

Ibrahim Baba Suleiman

Shugaban kungiyar IZALA Sheikh Abdullahi Bala Lau yayi kira ga 'yan uwa musulmi da suyi watsi da labarun karya da ke yaduwa a kafafen sadarwa na zamani cewa ya sauke babban Sakataren kungiyar Sheikh Kabiru Gombe. Sheikh Lau yace wannan zance ne na kage daga wasu bata gari wadanda basa tsoron Allah.

Shugaban ya kara da cewa idan munyi nasarar zakulo bata garin, zasu fuskanci shari'a, Kuma wannan ya nuna jajircewa da Sheikh Gombe ya keyi a fagen da'awa abin ya bawa ne kwarai.

Kungiyar Izala tana gamsuwa da dari bisa dari a ayyyukan da Sheikh Kabiru Gombe yake gudanarwa a kungiyar. Hakazilika a lokacin wasu ke kulla masa sharri.  Maluman mu.

"Tsakanin mu da Sheikh Kabiru Gombe babu komi illa aminci da so da kauna, tare da addu'ar Allah ya karawa rayuwarsa albarka" Inji shi.

A karshe Sheikh Bala Lau yace baza a zuba ido wasu bata gari suna kulle kansu a dakuna suna yada labarin karya da sunan IZALA ba, akwai hanyar da muke bi kuma zamu kai ga binciko inda suke kuma zasu fiskanci hukunci insha Allah.
Alherin Allah Ya Kai Ga Dr. Isah Ali Ibrahim Pantami (karanta)

Alherin Allah Ya Kai Ga Dr. Isah Ali Ibrahim Pantami (karanta)




Maigirma Ministan sadarwa na Kasarmu Nigeria Dr Isah Ali Ibrahim Pantami ya rubuta wasika zuwa ga Maigirma Ministan Ayyuka na Kasar Nigeria Babatunde Fashola yake tunatar dashi manyan ayyukan gina titi da ake yi a mahaifarsa na jihar Gombe kamar haka:

-Hanyar Gombe zuwa Potiskum
-Hanyar Gombe zuwa Biu
-Hanyar Gombe zuwa Dukku
-Hanyar Gombe da ta tashi zuwa Yola

Maigirma Ministan yayi kira ga takwaransa Ministan ayyuka da ya kai agajin gaggawa game da gyaran wadannan hanyoyi da sukeyin tafiyar hawainiya

Ina mutanen Gombe da suka nuna adawa da hassada lokacin da shugaba Buhari ya fitar da sunan Malam Isah Ali Pantami cikin wadanda zai basu mukamin minista?
To kunga kyakkyawan yunkurin da Malam yake yi domin cigaban jihar Gombe

Muna fata a nan gaba Gombawa zaku zabi Malam a matsayin gwamna

Yaa Allah Ka daukaka darajar Malam Isah Ali Ibrahim Pantami


Dalilai Goma Wadanda Ka Iya Sawa Abba Gida Gida Yayi Nasara a Kotun Zabe

Dalilai Goma Wadanda Ka Iya Sawa Abba Gida Gida Yayi Nasara a Kotun Zabe



Daga Khadija Garba Sanusi

1. dokar INEC tace idan har an kammala Zabe a akwati aka Kirga baka bayyana sakamakon Zabe amma daga bisani aka samu wani ko wasu sun yaga sakamakon Zaben na Hanun INEC har sun farfasa akwatunan sun lalata Takardun Dangwale(Ballot paper) ta yadda baza a iya sake kirgasu ba to abunda wakilin INEC na wannan akwati  zaiyi shine a karbo kwafi-kwafi din sakamakon da aka bawa Wakilan Jam'iyyu(Agents) yayi amfani dashi wajen sake tattara sakamakon Zaben da aka yaga.

2. haka Idan aka samu wani ya sace sakamakon Zaben ko dai an nemi sakamakon an Rasa to abunda aka fada da farko shi Jam'in INEC zaiyi.

3. Idan Kuma an kammala Zabe ne Amma ba'a Kai ga kirka kuri'un ba sai aka samu wani ko wasu sun fasa akwatun sun lalata takarkun da akayi Dangwale ta yadda baza'a iya kidayasu ba  to abunda Jami'in INEC zaiyi shine  ya soke wannan Zaben ta Hanyar cike wani Form mai suna EC40G ya bawa ko wanne Agent na Jam'iyya kwafin wannan Form din, shi dama wannan Form an tanadeshi ne kawai domin soke zabe.

4. Kotun Kolin Najeriya tayi Hukunchin akan cewa Duk wata akwatin Zabe dake tashar  Zabe Kuma akayi Zaben aka Kirga kuri'u aka Rubuta sakamakon Zabe aka rabawa Agents na Jam'iyyu kwafi-kwafi na Zaben aka sanarwa da Al'ummar da sukayi Zabe a wannan akwati sakamanon zabensu  to babu wata Hukuma ko wani Mutum Shi kadai ko Gungun Mutane da suka Isa su soke wannan Zabe sai Kotu ita kadai take Da Hurumin soke wannan Zabe.

5. A dukkan shaidun da Abba,Ganduje,INEC da APC suka bayar su sama da 40 kowa acikinsu ya tabattarwa Kotu cewa lallai wancan Zabe na farko Wato na 9 ga wata anyishi Lamin lafiya Kuma an Fadi sakamakon Zabe a ko wacce akwatu an bawa Agents na Jam'iyyu da Jami'an tsaro kwafi kwafi na sakamakon Zaben sai Daga baya Hukumar Zabe ta INEC ta soke wasu akwatuna guda 207 ciki har da Mazabar Gama dungurungun mai akwatinan Zabe 62 sannan wannan sokewa ba'a Rumfar zabe (akwati) akayita ba sannan ba'a tashar Zabe akayita ba, ba'a Matakin Mazaba akayita ba har ila yau ba'a Matakin karamar hukuma akayita ba, anyi wannan sokewa ne a wurin tattara sakamakon Zabe na Jiha.

6. Shi kansa Wanda ya Jagoranci Zabe Mazabar Gama na farko wanda INEC ta tura yazo Kotu yakuma fadawa Kotun cewar lallai ya tabbatar da cewa anyi Zabe a Mazabar Gama Lamin lafiya babu wani rikici da akayi ko Over Voting  saboda a duk Jami'an da ya tura akwatinan Nan 62 dake mazabar gama babu wani Jami'i da ya kawo Masa Rahoton Hatsaniya ko Over Voting a akwatinsa sun kawo Masa sakamakon Zabe ya shigar yakuma saka hanu sannan Agents na Jam'iyyu suma sun saka  Hanu yabasu kwafi kwafi na sakamakon Zaben ya sanar da sakamakon Zaben  a Mazabar Har Video akayi a wurin bayan yabaro wurin yazo wurin tattara sakamako na karamar Hukumar Nasarawa aka samu wasu a wannan wuri suka  Tayar da hargitsi har suka yaga sakamakon Mazabar sa na Gama.

7. Abba Kabiru Yusif ya damkawa wannan Kotu gaba Daya sakamakon Zaben Farko da akayi na akwatina 207 din Nan Wanda aka bawa Agents dinsa da ya tura ko wacce akwatuna hakan na Kara tabbatarwa Kotu da Duniya cewar lallai wannan kwafi kwafi na sakamakon Zabe da Abba yabawa kotu shine ya nuna anyi Zabe a wadannan a akwatina 207 Kuma an Kirga an rubuta sakamako an bawa Jam'iyyu kwafi-kwafi Kenan babu Wanda ya Isa ya soke wancan Zabe sai Kotun.

8. shaidun da INEC ta gabatar guda 3 ciki har da Jami'in da ya tattara sakamakon Zabe na karamar Hukumar Nasarawa dukkansu sunce babu Wanda yayi shawara Dasu Kan maganar soke zabe Suma kwatsam sukaji an soke Zaben akwatina 207 daga cibiyar tattara sakamakon zabe ta jiha, sannan Lauyoyi sun Tambayesu ko shin Suna da masaniyar Over Voting da akace anyi Wanda shine silar soke wadancan akwatina, Shaidun sun fadawa Kotu cewa Suma haka sukaji Ana rade radi Amma babu wani Jami'in INEC da suka tura wata akwati Wanda yazo musu da Labarin anyi Over Voting ko Hargitsi a akwatinsa.

9.Lauyoyi Ganduje da INEC sun kasa gabatarwa Kotu Form din soke Zabe na akwatina 207 Wanda zai tabbatar da da'awarsu ta lallai waccan sokewa da akayi akan ka'ida yake kamar yadda Shi Abba ya gabatar da sakamakon zaben akayi a wadancan akwatina, wani abun mamaki ma shine a kokarin Lauyan Ganduje da yakeyi na gabatar da sakamakon wata akwati na karamar Hukumar Bichi sai ya gabatar da sakamon wata akwati a karamar Hukumar Alkaleri ta Jihar Bauchi sannan Lauyoyin Ganduje sun kawo wani shaida a Kotun Mai katin Zabe na Bogi, wadannan abubuwa Gudan biyu ba karamar kasawa bace ga Lauyoyin Ganduje.

10. da Lauyin Abba suka matsa akan lallai sai Lauyon INEC Dana Ganduje sun gabatar musu da Form din Soke na EC40G sai Lauyoyin na Ganduje suka gabatar da na akwati daya kacal maimakom su gabatar Dana akwatina 207 Shima wannan dayan an Rasa waye ya rubutashi, saboda akwai kura kurai da Yawa acikinsa musamman Bangaren kwanan wata.

Darajar Manzon Allah(SAW) da wadannan Dalilai ko  Hujjojin da muka zakulo da Kuma Addu'o'in Mutane muke sa ran In Allah ya yarda wannan Kotu Mai Albarka zata Bayyana Abba Kabir Yusif amatsayin Wanda ya Lashe Zaben Gwamnan a Jihar Kano na shekara ta 2019 da karfin Mulkin Allah. Domin har kullum muna fada ita Shari'a Abu 3 take Bukata Gaskiya,Hajjoji da Kuma Adalchin Alkalai, Alhamdulillahi Abba yanada biyu Wato Gaskiya da Kuma Hujjojin abunda ya rage kawai shine Adalchi Alkali Wanda wannan kuma ba hanunsa yake ba a Hanun su Alkalan yake kuma Insha'Allahu Muna da yakinin zasuyi Adalchin.
Allah yacigaba da bamu Nasara Alfarmar Manzon Allah(SAW)


Wednesday, 18 September 2019

Yadda ta kaya a kotu tsakinin gwamnan Ganduje da Abba gida-gida

Yadda ta kaya a kotu tsakinin gwamnan Ganduje da Abba gida-gida


Ya kuke ganin abun zai kasance a gaba?

Laraba 18 ga watan Satumba 2019, kotun zaben gwamna na jahar Kano a ta jingine hukunci kan karar da jam’iyyar PDP da dan takararta Abba Kabir Yusuf suka shigar.
Jam’iyyar PDP da dan takarar gwamnan ta wato Abba Kabir na kalubalantar kaddamar da Gwamna Abdullahi Ganduje a matsayin wanda ya lashe zaben da ya gudana na  23 ga watan Maris 2019.  Shugaban kotun zaben Justis Halima Shamaki, bayan sauraron jam’iyyun a kan lamarin ta bayyana cewa za a sanar masu da ranar yanke hukunci, inda tayi godiya ga jam’iyyun akan goyon bayan da suka bawa  kotun domin tayi adalci kan dukkan lamuran da ke gabanta.  Da farko, lauyan INEC, Ahmad Raji (SAN), ya roki kotun zaben da ta yi watsi da karar akan rashin fa'ida, a  yayin da yake gabatar da rubutaccen jawabansa na karshe,  ya kuma  bayyana cewa INEC bata yi kumbiya-kumbiya ba wajen gudanar da aikinta akan shaidun da ta gabatar a gaban kotun zaben ba.

Haka zalika a karshe alkalin gwamna Ganduje, Offiong Offiong (SAN), shima ya roki kotatun da ta yi watsi da karar wanda ke kalubalantar samun nasarar a yayin gabatar da rubutaccen jawabansa na karshe.
Shin Da Gaske Maryam Yahya Ta Mutu ?

Shin Da Gaske Maryam Yahya Ta Mutu ?



Wani sabon al'amari ko jita Jita da ke yawo a shafin sada zumunta na fesbuk ne wannnan labari wasu a wasu dandalin sada zumunta da ake cewa ta mutu.

A jiya ne misalin karfe 10:42pm wannan jaruma tayi wani dan guntun bidiyo mai dauke da jawabi kamar haka

"Assalamu alaikum sunana maryam yahaya kamar yadda na ji ana ta yada jita jitar na mutu, ina nan da raina cikin koshin lafiya.

Lokacin mutuwa na baiyi ba idan yayi dole sai na mutum naji a fesbuk anata yadawa ni ko fesbuk bana yi.

Wasallam nagode masoyana."

Domin kara yadda ga masoyanta wanda sunka fara yarda da wannnan labari shiyasa mu Hausaloaded munka dauko wannan sanarwa daga shafin jarumar domin idan kunka latsa zaku iya kallon Bidiyon.