Labarai

Mufti Menk Ya Yi karin Haske Game Da Hotonshi da Jaruma Dake Yawo a shafukan sadarwa

A cikin makon nan ne dai aka dinga ganin hotunan fitaccen Malamin addinin Musuluncin nan wanda yake bi kasa-kasa domin da’awa da kuma kira ga al’ummar Musulmi, Mufti Menk, da Jaruma mai kayan mata, wacce tayi fice wajen jawo cece-kuce a shafukan sadarwa sakamakon bidiyo, hotuna da maganganu da ta saba yi wadanda ba su dace ba.

A jikin hoton dai an nuno fitaccen Malamin a cikin jirgi tare da Jaruma sun dauki hoto, duk da dai alamun da suka nuna babu fara’a sosai a fuskarshi, amma ita Jaruma an nuno fuskarta cikin fara’a da annushuwa da wannan hoto da ta dauka da Malamin.

Fitar wannan hoto ke da wuya mutane suka yi ta tofa albarkacin bakinsu, inda hakan ya sanya wani ya yiwa Malamin tambaya a wata manhaja ta tambayoyi dangane daa wannan hoto.

Mufti Menk Ya Yi karin Haske Game Da Hotonshi da Jaruma Dake Yawo a shafukan sadarwa
Jaruma Empire da mufti menk

Hoton Mufti Menk da Jaruma mai kayan mata da suka dauka a Ethiopian Airlines
Mufti ya nuna bashi da masaniyaa akan wacece ita Jaruma din ma, ya bayyana cewa shi kawai yana zaune ta zo ta nemi ya dauki hoto da ita, ya ce bayan daukar hoton bai jima a wajen ba ma aka zo aka canja masa mazauni, saboda ma’aikatan jigrin suna ganin wajen bai kamace shi ba.Mufti Menk Ya Yi karin Haske Game Da Hotonshi da Jaruma Dake Yawo a shafukan sadarwa

Malamin ya bayyana cewa sun dauki hoton ne a lokacin da ya taso daga birnin Addis Ababa zuwa Abuja, a jirgin Ethiopian Airlines, inda ya kara tabbatar da cewa shi bashi da masaniya dangane da kowacece ita, ga dai yadda hirar su tta kaya, mai tambayar ya bayyana cewa:

Sheikh, akwai wani hoto da kai da Jaruma, yaushe ne aka dauke shi? ~ Mai tambaya

Wacece wannan? ~Mufti Menk

Budurwa ‘yar Najeriya da ka zauna kusa da ita a jirgi. ~ Mai tambaya

Eh na tuna, a lokacin da muka taso daga Addis zuwa Abuja a Ethiopian Airlines kwanannan, akwai wata mata dake zaune a kusa dani. Bani da masaniya ko wacece ita, amma abinda zan iya tunawa ina zama, ta nemi na dauki hoto da ita. Cikin mintuna kalilan wata ‘yar uwa cikin Hijabi ta zo gare ni ta ce, “Sheikh, akwai kujera wacce babu kowa a layin gaba, zai fi dacewa ka zauna a wajen”, aikuwa haka na koma waccan kujerar. ~ Mufti Menk

Jaruma mace ce da tayi suna a Najeriya ~ Mai tambaya

Tsaya kafin ka kai gaba, bari na sake bayani dakyau akan cewa bani da masaniya akan kowacece ita ko kuma sunan da take dashi. Ma’aikatan jirgin ne suka bani wannan kujerar, kuma daga baya suka canja mini da wata. Ina rokon Allah ya ganar da ita da mu duka zuwa hanya madaidaiciya. ~ Mufti Menk

Ameen, nagode da lokacin da ka bayar da kuma bayani Sheikh ~ Mai tambaya.

#Arewablogg




Mr HausaLoaded

Abubakar Rabiu, Editor in Chief at Hausaloaded.com

Related Articles

Leave a Reply

Your email address will not be published. Required fields are marked *

Back to top button
WeCreativez WhatsApp Support
Barka Da Zuwa Shafin HausaLoaded.Com Sunana "Abubakar" Wane Taimako Zan Iyayi? 👨‍🦱
👋 Hi, how can I help?