Labarai

Muhimmin Sako Ga Wadanda Suka Nemi Tallafin Kudi Daga Gwamnatin Nigeria

Idan ba’a manta ba kwanakin baya anyi ta cika tsarin karban rance na gwamnatin tarayya wanda kamfanin Izala na Manara yayi aikin tattara bayanan, bayan ya kammala kuma ya mika wa babban bankin Nigeria CBN.

To sai dai idan an lura, a kwanakin nan a wasu jihohin anyi ta raba wasu takardu (Forms) musamman a masallatan Izala da ma wadanda ba na Izala ba, wadannan Forms din an bayar ne mutane su cika, amma wadanda suka cike wancan na farko, da aka yi Online.

Ina so a lura da wasu abubuwa guda uku a nan.

1. Na farko, idan ka cike wancan tsarin na Manara Non Interest Loan ta Online, to ya kamata ka nemi Form din da aka kawo yanzu ka cike.
Idan mutum yasan bai cike wancan ba to ko ya cike Form din da ake cikawa yanzu ba zai samu rancen ba.

2. Abu na biyu, a wancan lokacin da Manara ta fara aikin tattara bayanan mutane, an samu matsala da sabani wanda ba sai mun rubuta shi a nan kowa yaji ba, har maganar taje wurin mai girma shugaban kasa.
Dan haka an tsara za’a bayar da rancen ne wa mutane miliyan biyu, wanda Izala zata tsaya musu a matsayin Grantor.
A lokacin da sabanin ya taso kuma ba’a samu yawan mutane miliyan biyu da ake bukata ba, dan haka aka rufe Website din.

Bayan an warware matsalar, sai aka samar da wani kamfani na musamman, wanda aka yi masa suna da “Himma”, shine wanda zai cigaba da tattara bayanan wadanda suke bukatan karban rancen.
Idan Allah ya kaimu wata mai zuwa ko watan January na 2021 da zamu shiga (in sha Allah) za’a bayar da Link na website na kamfanin Himma.
Domin wadanda basu cike na farko na Manara ba sai su cike na Himma.
Himma shi zai cigaba da aikin da Manara ya faro, har sai an samu adadin mutane miliyan biyun.

Amma dai duk abin ‘daya ne, wanda ya cike na Manara to kada ya cike na Himma idan ya fito, idan mutum yayi haka zai iya bata Application dinsa dake wurin su, tunda da BVN number aka cika.
Idan kayi biyu zai iya zama matsala, idan kayi na Manara shike nan, idan baka yi ba toh sai ka jira a sake na Himma ka cike.

3. Abu na uku shine, game da batun From din nan da nayi bayani da farko a sama☝️, forms din ba kowace jiha bane a yanzu.
An zabi wasu jihohi goma sha daya za’a fara gwaji dasu, za’a basu kudaden, daga baya za’a cigaba da sauran jihohin.
A yanzu dai a sanina akwai jihar Bauchi da Gombe, daga cikin jihohi 11 da za’a fara dasu.

Dan haka idan Forms din bai kai jihar ku ba, kada ka daga hankalin ka, kuma kada ka zargi shugabannin addinin a jihar ka da zargin rashin gaskiya, a’a ba haka bane, lamarin tun daga CBN ne daga Abuja, su suka tsara cewa za’a fara da jihohi 11 ba, CBN ne, ba Malamai bane ko kungiyar Izala suka tsara hakan ba, babban bankin kasa ne yayi hakan.

Sannan kuma kananan hukumomi zasu mika Forms din su me jihar su, amma a karkashin kungiyar da suka yi mata rijista, kuma suka sa mata suna a karamar hukumar su.
Wanda shugabannin kungiya a karamar hukumar su suke samarwa, misali ace sunan kungiyar ku ta karamar hukuma “Ziyada Foundation”, to ta hannun ta za’a karbi forms din, idan an kammala kuma ita zata mayar.
Duk wasu bayanai game da lamarin a wurin su za’a ji.

Sai dai gaskiya ban san sunan jihohi 11 da za’a fara dasu ba, jiho biyu kawai na sani, Bauchi da Gombe, idan mun gano sauran zamu rubuta Insha Allah. ~ Barr Abdulhadi Isah

Allah Ya taimaka



Mr HausaLoaded

Abubakar Rabiu, Editor in Chief at Hausaloaded.com

Related Articles

Leave a Reply

Your email address will not be published. Required fields are marked *

Back to top button
WeCreativez WhatsApp Support
Barka Da Zuwa Shafin HausaLoaded.Com Sunana "Abubakar" Wane Taimako Zan Iyayi? 👨‍🦱
👋 Hi, how can I help?