Zamantakewar Aure

Shawara Zuwa Ga Ma’aurata Da Masu Niyyar Yin Aure

Daga Datti Assalafy

Bayanin da zai biyo bayan taken wannan rubutun yana da nauyi, don haka ayi hakuri da kalmomin da za’a ji, muhimmancin dake tattara da bayyana bayanin a fili yafi boye bayanin saboda amfanar al’umma gaba daya.

Sannan yana daga cikin manufar shafin Datti Assalafiy shine wayar da kan al’umma game da abinda zai amfane su a rayuwa da zamantakewa, da fallasa asirin abubuwan da zasu cutar da al’umma gwargwadon abinda zamu iya.

Na karanta wata doguwar takadda wanda wani kwararren Likitan mata ya wallafa yake bada shawara domin ma’aurata su kiyaye akan abinda yake matukar cutar da lafiyar su a rayuwar aure ba tare da sun sani ba.

Likitan ya bayyana cewa duk ma’auratan da suke yin amfani da yawun bakin su (saliva) a gurin jima’i to su yi gaggawar denawa, saboda yawu yana kunshe da wasu sinadarai masu karfi da suke taimakawa wajen narka abincin da ake ci, wanda idan suka shiga cikin farjin mace suna iya haddasa mata mummunan infection mai matukar wahalar magani, likitan yayi bayanin cewa, wasu infection na iya yin shekara 5 a farjin mace kafin ya bayyana illarsa.

Wato yana daga cikin dabi’ar mafi yawa daga cikin ma’aurata, su kan yi amfani da yawu wajen karawa jima’i ko saduwa armashi, saboda akwai matan da haka Allah Ya halicce su suna da karancin ni’ima, ni’ima da ake bayani anan shine; wani ruwa ne fari mai santsi da yake fitowa daga gaban mace a lokacin da sha’awa ta motsa, ko kuma a lokacin da ake jima’i.

To akwai matan da basu da irin wannan ni’ima, akwai matan da kuma ana cikin jima’i sai ni’imar ta dinga daukewa, daga nan sai su fara jin zafi, anan ne ma’auratan suke saka yawu domin al’aurar tasu tayi santsi a samu abinda ake so, to irin wannan yawu da ake sakawa illa ne sosai ga farjin ‘ya mace.

Mutanen da sukayi sabon aure sunfi fuskantar daukewar ni’ima a yayin jima’i, akwai mata sabbin amare da basu taba sanin ‘da na miji ba, to saboda tsoron zafin buda hanya a kwanakin amarci ni’imar su tana saurin daukewa, sai suyi amfani da yawu, ko man shafawa ko dai wani abu mai kama da haka, saka yawu kuskure ne balle mayukan shafawa da sauransu da ake sarrafawa da chemicals.

Shiyasa kashi 90 cikin 100 na mata ma’aurata da suke amfani da yawun bakinsu ko wasu mayuka a yayin jima’i suna dauke da infection kala-kala ba tare da sun sani ba yana cutar da lafiyan su tare da rage musu armashin jima’i, wanda kan iya haddasa cin amanar aure ko ma rabuwa.

Ga matan da suke fama da matsalar rashin ni’ima ko daukewar ni’ima yayin jima’i, to ya dace su nemi shawarar kwararrun masana a wannan fanni, amma tabbas suyi gaggawan dena amfani da yawu ko wasu mayukan shafawa a lokacin jima’i.

Don haka ma’aurata da sauran samari da suke sha’awar yin aure a kiyaye, sannan ya dace a yada wannan shawara saboda amfanar al’umma gaba daya.

Allah Ka tabbatar mana da alheri Ka magance mana matsololin gidan aure Amin.

Mun Dauko Daga Shafin Hausaloaded.com




Mr HausaLoaded

Abubakar Rabiu, Editor in Chief at Hausaloaded.com

Related Articles

Leave a Reply

Your email address will not be published. Required fields are marked *

Back to top button
WeCreativez WhatsApp Support
Barka Da Zuwa Shafin HausaLoaded.Com Sunana "Abubakar" Wane Taimako Zan Iyayi? 👨‍🦱
👋 Hi, how can I help?