Tuesday, 17 July 2018




Ni Zan Lashe Kyautar Ballon D'or - Cristiano Ronaldo

Home Ni Zan Lashe Kyautar Ballon D'or - Cristiano Ronaldo
Ku Tura A Social Media
Cristiano Ronaldo ya ce wata kila shi ne zai lashe kyautar Gwarzon Dan Kwallon Kafar Duniya wato Ballon d'Or.
Dan kwallon ya bayyana hakan ne lokacin gabatar da shi ga magoya bayan kungiyar Juventus a ranar Litinin.

Hakazalika dan kwallon ya ce yana godiya game da damar da kungiyar ta ba shi saboda 'yan wasa masu irin shekarunsa a wannan zamani "suna koma kasashen Qatar da China ne".
A makon jiya ne dan wasan, mai shekara 33, ya koma kungiyar Juventus ne a kan fan 99.2 bayan ya yi shekara tara a Real Madrid.
"Na koma wannan kungiyar a wannan lokaci. Ina matukar farin ciki," a cewarsa.
Har ila yau ya ce yana fatan kasancewa "mai sa'a" yayin da kungiyar take fafutikar lashe Gasar Zakarun Turai.

Albashin Ronaldo a Juventus

Naira biliyan 50 aka sayo shi

N12.5b

A shekara Naira

       1b

A duk wata


N258m A duk mako

N36m A duk rana

N1.5m A duk awa daya

N12m A awanni takwas na baccinsa


Ronaldo, wanda sau biyar yana lashe kyautar Gwarzon Dan Kwallon Kafar Duniya, ya ci wa Madrid kwallaye 450 ne - kuma sau hudu yana lashe Kofin Zakarun Turai da kuma La Liga biyu.
"Ina so na yi nasara, ina so na zama fitacce. Wa ya sani watakila kila na kara lashe kyautar Gwarzon Dan Kwallon Kafar Duniya, amma haka rayuwa za ta ci gaba da tafiya da kanta," in ji shi.

Ya ci gaba da cewa: "Samun hakan yana da wuya a Manchester da Real Madrid, amma watakila na sake samu a nan, za mu gani."
Dan wasan kasar Portugal din ya ce akwai abubuwa da dama da suka sanya ya shi ya amince ya koma Juventus.

Bajintar Ronaldo

Ronaldo ya ci kwallaye 450 a wasanni 438 a Madrid

Ya ci kwallaye 105 a gasar Zakarun Turai

Kwallaye 311 a gasar La Liga

Kofi 16 a Real Madrid da suka hada da La liga biyu da Zakarun Turai hudu da gasar duniya ta kungiyoyi.

Ya ci kwallaye uku-uku (hat-tricks) shi kadai sau 44, kuma sau 34 a La Liga
Sau takwas yana cin kwallaye fiye da hudu a Real Madrid
Ya taba cin kwallaye 61 a kakar 2015-16 a dukkanin wasanin da ya buga
Hakan ya hada da kwallaye 48 a La Liga
Kwallaye 659 ya ci a rayuwarsa - biyar a Sporting Lisbon, da 118 a Manchester United da 451 a Real Madrid da 85 a Portugal
Sau biyar yana lashe kyautar gwarzon dan kwallon duniya ta Ballon d'Or

Share this


Author: verified_user

0 comments: