Friday, 29 June 2018




Kunji wata sabuwa kuma Gamnan Jihar BAUCHI Abubakar Da Jaruma Rahma Sadau Zasu Fito A Wani Sabon Shirin Turanci

Home Kunji wata sabuwa kuma Gamnan Jihar BAUCHI Abubakar Da Jaruma Rahma Sadau Zasu Fito A Wani Sabon Shirin Turanci
Ku Tura A Social Media

JARIDAR DIMOKURADIYYA:Labarin dake zuwa mana ya nuna cewa Gwamnan jihar Bauchi, Alhaji Muhammed Abubakar, zai fito a cikin wani shirin fim da Rahama Sadau zata fito a matsayin jaruma.

Ana cigaba da daukar shirin mai taken "Up North" wanda zai fito cikin harshen turanci.

Kamar yadda wanda ya tsara labarin shirin, Editi Effiong, ya bayana gwamnan ya bada gudunmawa wajen shirya fim din; amma Naij. Com ta wallafa a shafinta

A sakon da ya wallafa a shafin sa na Twitter, Effiong, ya sanar cewa gwamnan ya bayar da goyon baya wajen amfani da kambun daji na Yankari wurin hada shirin fim din kuma ya bada motocin sa yayin da ake neman motocin ayari domin maye wani matsayi na shirin.

Haka kuma majiyar ta Naij.com tace Bayan haka, ya kuma bayyana cewa gwamnan ya amince da fitowa a wani matsayi na shirin bayan ya nema masu dama na daukar wani yanki na shirin a fadar sarkin Bauchi.

Majiyarmu a rahoto cewa Gwamnan ya ce dalilinsa na taimakawa wajen haska shirin shine saboda farfado da harkar kasuwanci a jihar Bauchi.

Yace tun ba yau yake neman masu shirya fim a Najeriya da su taho jihar domin shirya wasa.

Daga karshe gwamnan yana mai kyautata zato cewa, matsayin da ya dauka na fitowa a cikin shirin wasan kwaikwayo zai ba wa matasa karfin gwiwa wajen yin sana'ar ga masu sha'awar yin haka.

Shirin zai samu hasakawar fitattun yan wasan kamar, Rahama Sadau da TBoss, Banky W, Michelle Dede, Ibrahim Onimisi-Suleiman, Akin Lewis, Hilda Dokubo da Kanayo O Kanayo.

Shirin wanda take bada labarin soyayya, siyasa da zamantakewa zai fito ga kasuwa cikin watan Disamba na bana.

Jaridar Dimokuradiyya.

Share this


Author: verified_user

0 comments: