Monday, 12 March 2018




Cristiano Ronaldo Da Sergio Ramos Ba Su Son Madrid Ta Sayo Paul Pogba

Home Cristiano Ronaldo Da Sergio Ramos Ba Su Son Madrid Ta Sayo Paul Pogba
Ku Tura A Social Media

Taurarin 'yan wasan kungiyar Real Madrid, Cristiano Ronaldo da Sergio Ramos sun daura damarar ganin cewa Real Madrid ba ta sayo Paul Pogba daga kungiyar Manchester United.

Shafin Don Balon mai buga labaran wasannin tamaula a yanar gizo, yace 'yan wasan biyu sun dukufa domin shawo kan shugaban Real Madrid, Florentino Perez, a kan kada ya sayi Pogba.

Ana rade-radin cewa Manchester United na tunanin sayar da Pogba a bayan rashin kuzarin da ya nuna cikin 'yan kwanakin nan, har ma aka ajiye shi a benci a wasu muhimman wasannin da United ta buga.

Ronaldo da Ramos sun damu da irin yadda kawo Pogba zai shafi sauran 'yan wasan Real Madrid, kuma su na ganin cewa kungiyar ba ta bukatarsa a yanzu.

Share this


Author: verified_user

0 Comments: