Friday, 19 May 2017




Yansanda sun kama mai fataucin sassan mutum a jihar Kebbi

Home Yansanda sun kama mai fataucin sassan mutum a jihar Kebbi
Ku Tura A Social Media

- Yansanda a jihar Kebbi sun cika hannu da wani mutumi daya kware wajen hakar kaburbura yana sace gawa

- Mutumin yace talauci da halin matsin rayuwa ne ya shigar da shi wannan harka

Jami’an hukumar yansandan jihar Kebbi sun cika hannu da wani mutumi daya kware a sana’ar ciro gawa daga kabari, kuma ya yanke sassan jikinta don fataucinsa a garin Bagudu na jihar Kebbi.

Kwamishinan yansandan jihar, Ibrahim Kabiru ya bayyana haka yayin dayake ganawa da yan jaridu a ranar Alhamis 18 ga watan Mayu, inda yace sun samu nasarar kama mutumin ne bayan samun wani rahoton sirri, inji rahoton kamfanin dillancin labaru, NAN.

Kwamishinan yace da misalin karfe 3:30 na dare ne suka kama mutumin a makabartan Kaoje yayin dayake kokarin hako wani gawar bawan Allah don siyar da sassan jikinta.


Kwamishinan ya kara da fadin, mutumin ya amsa laifinsa, kuma ya fallasa mutumin daya daura shi a harkar, mai suna Malam Muhammadu dake zama a jihar Sakkwato, inda shi mutumin ke kai katako kafin ya shiga wannan harkar.

Daga karshe dai mutumin ya nemi afuwa, inda yace talauci ne ya sanya shi yin wannan mummunar aiki, tare da burinsa na ganin ya kula da iyalinsa.

A wani labarin kuma, NAIJ.com ta gano yansanda sun kama wani fasto mai shekatu 55 mai suna Alimi Isaiah dauke da kawunan mutane da wasu kayan tsafe tsafe a jihar Ogun.

©naij.com

Share this


Author: verified_user

0 Comments: